لاہورکی انسداد دہشتگردی عدالت نے گزشتہ روز جیل بھرو تحریک کے دوران پولیس وین کی توڑ پھوڑ کے معاملے پر پی ٹی آئی رہنما عباد فاروق کو 14 روزہ جسمانی ریمانڈ پرپولیس کے حوالے کردیا۔
پولیس کی جانب سے پی ٹی آئی رہنماعباد فاروق کی جسمانی ریمانڈکی درخواست پرسماعت کے دوران عدالت نیملزم عباد فاروق کا14دن کاجسمانی ریمانڈ منظورکرلیا۔
پولیس نے عباد فاروق کے 30 روز کے جسمانی ریمانڈ کی استدعا کی تھی۔
تفتیشی افسر نے عدالت میں بتایا کہ عباد فاروق نے ساتھیوں سے مل کر پولیس کی گاڑی پرحملہ کیا، اس سے ڈنڈے برآمد کرنے ہیں۔
ملزم عباد فاروقی نے عدالت کو بتایا کہ میں پی ایچ ڈی ڈاکٹر ہوں میریہاتھوں میں کوئی ڈنڈا نہیں تھا۔
ملزم نے اپنے بیان میں مزید کہا کہ وہاں 500 لوگ موجود تھے،مجھ پردہشتگردی کی دفعات لگا دی گئیں۔
