وزیر اعظم شہباز شریف فرانسیسی صدر ایمانوئل میکرون دی دعوت تے پیرس اچ تھیوݨ آلی نیو گلوبل فنانسنگ پیکٹ سمٹ اچ شرکت کیتے 22 توں 23 جون فرانس دا سرکاری دورہ کریسن۔ دفتر خارجہ دی ترجمان ولوں منگل کوں جاری بیان موجب سربراہ اجلاس رہنماواں کوں ہک نویں گلوبل آرکیٹیکچر دی شکل تے ڳالھ مہاڑ کرݨ دا موقع ݙیندے جیڑھا پائیدار ترقی، ماحولیات، توانائی دی منتقلی اتے موسمیاتی تبدیلی دے ایجنڈے دی مالی اعانت دے چیلنجز دا مقابلہ کرݨ دی صلاحیت رکھیندے۔ وزیراعظم سربراہ اجلاس دے موقع تے ٻے عالمی رہنماواں نال ملاقاتاں وی کریسن
