آئی ایم ایف نال معاملہ ٻݨݨ دا سݨدے ہی سازشیاں دا رووݨ پٹݨ ول شروع اے، مریم اورنگزیب

 
0
84

وفاقی وزیراطلاعات و نشریات مریم اورنگزیب آکھیے جو آئی ایم ایف نال معاملہ ٻݨݨ دا سݨدے ہی سازشیاں، ملک دشمناں اتے تخریب کاراں دا رووݨ پٹݨ ول شروع اے، نواز شریف ملکی معیشت تکڑی کر ڳئے ہن، ٻھل فارن ایجنٹ معیشت دیان پاڑاں پٹ ݙتن اتے ملک کوں ول آئی ایم ایف دو ونڄݨا پئے۔ انہاں آکھیا جو معیشت کوں ٻوڑݨ آلے اپݨے کیتے آئی ایم ایف معاہدے کوں بحال تھیندا ݙیکھ تے کیوں روندن؟ 9 مئی کوں ملک ساڑیے، فوجی ونجی املاک تے حملے کیتن، شہداء دی یادگاراں دی بے حرمتی کیتی، ہݨ معاشی مفادات تے ولا حملے دی تیاری اے۔ انہاں آکھیا جو معاہدہ نا تھیوݨ تے چیکݨ آلیاں کولو پچھݨا چاہیدے جو تساں آئی ایم ایف نال کیوں معاہدہ کیتا ہا؟ انہاں آپ اے معاہدہ کیتا ہا ول آپ ہی تےرؤیے تے ملک کوں ݙیوالہ کرݨ دی سازش کیتی ہئی۔