مسلم لیگ ( ق) کے سربراہ چودھری شجاعت حسین کے بیٹے چودھری شافع حسین نے کہا ہےکہ پرویز الٰہی ہمارے پاس واپس آنا چاہتے ہیں لیکن اسپین میں بیٹھا شخص نہیں مان رہا۔
میڈیا سے گفتگو کرتے ہوئے چودھری شافع نے کہا کہ چودھری شجاعت اور چودھری پرویزالٰہی کی ملاقات مثبت رہی۔
انہوں نے کہا کہ مونس الٰہی ایک سال پہلے ہی کہہ چکے ہیں کہ سیاست اپنی اپنی، خاندان تو ہمارا ایک ہے لیکن سیاسی طور پر فیصلہ انہوں نے خود کرنا ہے۔
چودھری شافع حسین کا کہنا تھا کہ پرویز الٰہی کو مسلم لیگ (ق) میں واپس آنے کی باقاعدہ دعوت دے دی ہے اور وہ ہمارے پاس آنا چاہتے ہیں لیکن اسپین میں بیٹھا شخص نہیں مان رہا۔
ایک سوال کے جواب میں انہوں نے کہا کہ مسلم لیگ (ن) کے ساتھ مستقبل میں سیٹ ایڈجسٹمنٹ ہوسکتی ہے
