وزیراعظم محمد شہباز شریف نا شنگھائی کمکار تنظیم نا سروک ءِ مملکت کونسل نا دیوان اٹی آن لائن شرکت، 14 اہم فیصلہ /دستاویز وایران نا پورو باسک انا وڑاٹ شمولیت نا منظوری

 
0
89

وزیراعظم محمد شہباز شریف شنگھائی کمکار تنظیم (ایس سی او ) نا سروک ءِ مملکت کونسل نا 23 می دیوان اٹی آن لائن بشخ ہلک۔ دیوان اٹی 14 اہم فیصلہ/دستاویز آتا منظوری ءِ تننگا ہراٹی دہشت گردی ، انتہاپسندی و جتائی پسندی نا کنڈا دروک آ بنداو پرستی نا انسدا د نا حکمت عملی ، ڈیجیٹل بدلی ٹی کمکاری و ایس سی او نا اقتصادی شونداری نا حکمت عملی آ اِرا اسیجائی بیان تے ہم منظور کننگا۔ سروک ءِ مملکت کونسل شنگھائی کمکار تنظیم اٹ ایران نا پورو باسک انا وڑاٹ شمولیت نا ہم منظوری ءِ تس و بروک آ دیوان اسکان بیلاروس نا پورو رکنیت کن عمل نا بناءِ کرے۔ سے شنبے نادے آ وزیراعظم آفس نا میڈیا ونگ آن جاری بیان نا رداٹ ایس سی او سروک ءِ مملکت کونسل بڑزکو انگا ایگزیکٹیو باڈی ءِ ہراڑے ایس سی او نا باسک ملک آتا راہشون تنظیم نا تزویراتی سمت نا بابت فیصلہ آتا منظوری ءِ ایتک۔ ایس سی او نا باسک ملک آتا سروک آتون اوار مبصر ملک ایران، بیلاروس و منگولیا نا صدر آتون اوار اوار ترکمانستان نا صدر و جہان تنظیم نا سروک آک دیوان اٹی بشخ ہلکر۔ سروکی دیوان آن تینا تران اٹی وزیراعظم محمد شہباز شریف شنگھائی کمکار تنظیم نا منشور نا اصول و مسخت آتا دوئی کننگ کن پاکستان نا عزم انا درشانی ءِ کرے  ہراسرسہبی کن کمکاری نا بنداو فراوان کیک۔ اوامن، شونہالی و اسیجائی شونداری نا مون آ دننگ آ چکار کروک آ علاقائی تنظیم نا وڑاٹ ایس سی او کن پاکستان نا وژن ناخاکہ ءِ ہم پیش کرے