پاکستان مسلم لیگ پنجاب کے جنرل سیکرٹری چوہدری شافع حسین نے فلسطین کے ساتھ اظہار یکجہتی کے سلسلے میں پریس کلب لاہور کے سامنے ہوئے مظاہرے سے خطاب کرتے ہوئے کہا کہ اسرائیل نے غزہ پر جو ظلم و بربریت کیا ہے وہ انتہائی افسوسناک اور قابل مذمت ہے اس وقت غزہ کی پٹی کو اسرائیل نے مکمل تباہ کر دیا ہے ،ملبے سے بچوں کی لاشیں مل رہی ہیں ہسپتالوں کو جہاں تباہ کیا جا رہا وہاں بچ جانے والے ہسپتالوں میں ضروریات کی اشیا ختم ہو چکی ہیں۔چوہدری شافع حسین نے کہا کہ تمام دنیا بالخصوص اسلامی ممالک کو اسرائیل کا بائیکاٹ کرنا چاہیے اگر کوئی ٹریڈ کر رہا تو اسے فوری ختم کر دینا چاہیے۔فلسطینی عوام کو آزادی سے رہنے کا پورا حق ہے اسرائیل نے فلسطین کا جو علاقہ بدمعاشی سے قبضہ کیا ہے اسے واپس کرنا چاہیے۔ چوہدری شافع حسین نے کہا کہ کشمیری عوام بھی بھارت کی ظالمانہ کارروائیوں کا شکار ہیں ہماری دعا ہے کشمیری اور فلسطین کی عوام کو ان کا جائز حق دیا جائے۔ عوام ہر محاذ پر ان کے خلاف احتجاج کرے بالخصوص سوشل میڈیا پر اور فیس بک یا ٹوئیٹر کے بلاک ہونے کی فکر نہ کریں۔
