بھارت کو پاکستان یا چین سے نہیں اپنے لوگوں سے خطرہ ہے ‘ فاروق عبداللہ

سرینگر اگست18(ٹی این ایس) سابق وزیر اعلی ڈاکٹر فاروق عبداللہ نے کہا ہے کہ بھارت کو چین یا پاکستان نہیں بلکہ اپنے لوگوں سے خطرہ ہے ایک نجی چینل کو انٹرویو دیتے ہوئے انہوں نے کہا کہ اس وقت بھارت کے اندر سرگرم کچھ گروپ ملک کو جوڑنے کی دہائی دیتے پھر رہے ہیں جبکہ اصل میں ان ہی گروپوں کی وجہ سے ملک میں تقسیم کی فضاء یا ماحول پنپ رہا ہے انہوں نے کہاکہ جوڑنے کا دم بھرنے والوں کی سرگرمیاں ملک کو توڑنے کا موجب بن سکتی ہیں انہوں نے کہا کہ بھارگ کو باہر نہیں بلکہ ملک کے اندر سے خطرہ ہے ۔ انہوں نے کہاکہ بھارت کو ایسے لوگوں کو لگام دینے کی ضرورت ہے ۔