بانی پی ٹی آئی کے اکا ئو نٹ سے متنازعہ ٹوئٹ کے معاملہ پر ایف آئی اے نے ترجمان تحریک انصاف ر ئو ف حسن اور بیرسٹر گوہر کے بیان قلمبند کر لیے۔ذرائع کے مطابق ایف آئی اے سائبر کرائم نے ر ئو ف حسن سے چار گھنٹے تک تفتیش کی جبکہ بیرسٹر گوہر سے ایف آئی اے نے دو گھنٹے تک سوالات کیے تھے، تفتیشی ٹیم نے دونوں رہنماں کو 21 سوالوں پر مشتمل سوالنامہ بھی دیا ۔
سوالنامہ میں پوچھا گیا کہ بانی پی ٹی آئی کا ٹویٹر اکا ئو نٹ ان کی غیر موجودگی میں کون چلاتا ہے ؟ بانی پی ٹی آئی کی غیر موجودگی میں کس کی اجازت سے مواد اپلوڈ ہوتا ہے، متنازعہ ٹویٹ کس کی اجازت سے اپلوڈ کیا گیا تھا، متنازعہ ٹویٹ کو ابھی تک ڈیلیٹ نہ کرنے کی کیا وجوہات ہیں۔
ذرائع کے مطابق دونوں رہنما ئو ں نے الگ الگ سوالوں کا جواب نامہ تفتیشی ٹیم کو جمع کروا دیا، دونوں رہنما ئو ں نے جواب نامہ جمع کروانے کے بعد بیان الگ سے بھی ریکارڈ کروایا، تفتیشی ٹیم دونوں رہنماں کے بیانات کا جائزہ لینے کے بعد دوبارہ طلب کرے گی۔ آخر میں دونوں رہنماں نے ایف آئی اے کو دوبارہ طلب کرنے پر پیش ہونے کی یقین دہانی بھی کروائی، ایف آئی اے کی جانب سے دونوں رہنماوں کی پانی اور جوس سے تواضع بھی کی گئی ، تفتیش کے بعد ر ئو ف حسن میڈیا کے سوالوں کا جواب دیئے بغیر روانہ ہوگئے۔
