(اصغر علی مبارک)
راولپنڈی (ٹی این ایس): چیئرمین پی سی بی نے راولپنڈی کرکٹ سٹیڈیم کا دورہ کیا اور اپ گریڈیشن منصوبے پر پیشرفت کا جائزہ لیا۔
راولپنڈی کرکٹ سٹیڈیم کے مین پویلین اور میڈیا باکسز کی اپ گریڈیشن کا کام مکمل کر لیا گیا ہے جبکہ انکلوژرز میں کرسیوں کی تنصیب کا کام آخری مراحل میں ہے۔
چیئرمین پاکستان کرکٹ بورڈ محسن نقوی کو اپ گریڈیشن کے کام پر بریفنگ دی گئی۔ انہوں نے سٹیڈیم کے مختلف حصوں بشمول پویلین، میڈیا باکس، وی آئی پی باکسز کا معائنہ کیا اور فنشنگ کے کام کا مشاہدہ کیااور اپ گریڈیشن منصوبے پر پیش رفت پر اطمینان کا اظہار کیا۔
محسن نقوی نے ٹیموں کے مجوزہ سیکیورٹی انتظامات کا بھی جائزہ لیا۔
انہوں نے کہا کہ پاکستان میں طویل عرصے بعد آئی سی سی ٹورنامنٹ کا انعقاد ہو رہا ہے اور میگا ایونٹ کے لیے تمام تیاریاں مکمل ہیں۔
آئی سی سی چیمپئنز ٹرافی کا آغاز 19 فروری سے ہو رہا ہے جس کے تین میچز راولپنڈی کرکٹ سٹیڈیم میں کھیلے جائیں گے۔ اس مقام پر بنگلہ دیش کا مقابلہ نیوزی لینڈ سے 24 فروری کو ہوگا، آسٹریلیا کا مقابلہ 25 فروری کو جنوبی افریقہ سے ہوگا جبکہ میزبان پاکستان کا مقابلہ 27 فروری کو بنگلہ دیش سے ہوگ
