آئی ایس پی آر
راولپنڈی (ٹی این ایس) 6 اور 7 فروری 2025 کی شب، سیکیورٹی فورسز نے شمالی وزیرستان کے علاقے دتہ خیل میں خوارج کی موجودگی کی اطلاع پر ایک انٹیلی جنس بیسڈ آپریشن کیا۔
آپریشن کے دوران، پاک فوج کے جوانوں نے مؤثر انداز میں خوارج کے ٹھکانے کو نشانہ بنایا، جس کے نتیجے میں تین دہشت گرد واصلِ جہنم ہو گئے۔ ہلاک ہونے والے خوارج عورتوں کے لباس (برقعہ) میں فرار ہونے کی کوشش کر رہے تھے۔
مارے جانے والے دہشت گردوں سے اسلحہ اور گولہ بارود بھی برآمد کر لیا گیا۔ یہ خوارج علاقے میں متعدد دہشت گرد سرگرمیوں میں ملوث رہے تھے۔
سیکیورٹی فورسز علاقے میں مزید ممکنہ خوارج کے خاتمے کے لیے کلیئرنس آپریشن جاری رکھے ہوئے ہیں۔ پاک فوج ملک سے دہشت گردی کے ناسور کے مکمل خاتمے کے لیے پرعزم ہے
