راولپنڈی (ٹی این ایس) ہائی کورٹ بار الیکشن 2025 کے لیے راولپنڈی ڈویژن کی ایگزیکٹو باڈی کی نشست پر راولپنڈی سے مس طاہرہ بانو مبارک ایڈووکیٹ بلامقابلہ ممبر ایگزیکٹو منتخب ہو گئیں۔
اس سے قبل اٹک سے محمد علی، میانوالی سے سہیل عمران اور جہلم سے راجہ ضیاء منتخب ہو چکے ہیں۔
امیدواروں کی پروجیکشن میٹنگ 20 فروری کو ہوگی جبکہ پولنگ 22 فروری کو صبح 8 بجے سے شام 4 بجے تک ہوگی۔
ایڈووکیٹ طاہرہ بانو مبارک، عظمیٰ مبارک، عظمت علی مبارک، ثاقب شہزاد، شیخ محمد علی، راجہ محمد ضیاء اشرف، سہیل عمران۔ راحت سلیم ایگزیکٹو باڈی کی نشستوں کے لیے امیدوار تھے۔
ہائی کورٹ بار راولپنڈی کے انتخابات کے لیے ڈویژن بھر سے 5500 سے زائد مرد و خواتین وکلاء آئندہ سال کے لیے اپنی قیادت کا انتخاب کریں گے۔
الیکشن بورڈ کے چیئرمین تنویر اقبال خان کی جانب سے جاری کردہ امیدواروں کی حتمی فہرست کے مطابق صدر کے عہدے کے لیے احسن حمید اللہ اور خرم مسعود کیانی، سینئر نائب صدر کے عہدے کے لیے صائمہ شجیع اور خاور ریاض قادری، نائب صدر کے عہدے کے لیے ملک شاہد اقبال اور شاہد جہانگیر خان، صدر کے عہدے کے لیے امیدواروں کی حتمی فہرست میں شامل ہیں۔
سیکرٹری کے عہدے کے لیے خلیل احمد ملک اور راجہ عامر محمود جبکہ ایڈیشنل سیکرٹری کے عہدے کے لیے خاتون امیدوار شازیہ عنبرین اعوان اور نرگس شبیر علوی شامل ہیں۔ اس سے قبل حسن علی جوائنٹ سیکرٹری کے عہدے پر بلا مقابلہ منتخب ہو چکے ہیں
