راولپنڈی (ٹی این ایس) ایس ایچ او صدر بیرونی اعزاز عظیم کی ہمراہ پولیس ٹیم مرینہ خان گینگ سے تفتیش میں مزید پیش رفت، ملزمان سے مزید 5 لاکھ 33 ہزار روپے برآمد، گینگ سے قبل ازیں 2 لاکھ 50 ہزار روپے اور اسلحہ برآمد کیا جا چکا ہے۔ تفصیلات کے مطابق صدر بیرونی پولیس نے ہنی ٹریپ کے ذریعے شہریوں کو لوٹنے والے مرینہ خان گینگ سے تفتیش میں مزید پیش رفت کی،ملزمان سے مزید 5 لاکھ 33 ہزار روپے برآمد ہوئے، گینگ سے قبل ازیں 2 لاکھ 50 ہزار روپے اور اسلحہ برآمد کیا جا چکا ہے،گرفتار گینگ میں سرغنہ مرینہ خان پاکستانی نژاد (مشرقی افریقن) ملاوی اسکا شوہر بلال اور دیگر ارکان میں فاروق، طیب، کامران، اور عبدالجبار شامل ہیں،مرینہ خان سوشل میڈیا پلیٹ فارمز پر شہریوں سے رابطہ کر کے ملاقات کے لیے بلاتی اور پھر گینگ ممبران اسلحہ کی نوک پر اس سے رقم اور قیمتی اشیاء چھین لیتے، ایس پی صدر محمد نبیل کھوکھر کا کہنا تھا کہ ملزمان کو ٹھوس شواہد کے ساتھ چالان عدالت کر کے قرار واقعی سزا دلوائی جائے گی، شہریوں کو بلیک میل کر کے لوٹنے والے ملزمان قانون کی گرفت سے نہیں بچ سکتے۔
