لاہور (ٹی این ایس) ٹی ایل پی کے ٹھکانوں سے جدید ترین اسلحہ، ہزاروں گولیاں، بلٹ پروف جیکٹس برآمد،23 ارب 40 کروڑ کے اثاثے منجمد
انتہا پسند جماعت کے عہدے داروں کے 92 بینک اکاؤنٹس اور جاز کیش سمیت تمام ڈیجیٹل اکاؤنٹس منجمد،وزیر اعلی مریم نواز شریف کی زیرِ صدارت امن و امان کے حوالے سے اجلاس میں بریفنگ
پنجاب حکومت کا پنجاب کے عوام کی جانب سے انتہاپسندی اور فتنہ انگیزی کو یکسر مسترد کرنے پر اظہار اطمینان
پنجاب حکومت کا باقی صوبوں میں بھی انتہا پسند جماعت کیخلاف پنجاب جیسی یکساں کارروائی کیلئے وفاقی حکومت سے درخواست کرنے کا فیصلہ
پنجاب میں اسلحہ کے حوالے سے ایس او پیز واضح کرنے کا اصولی فیصلہ، اسلام آباد حملے کے پیش نظر سرویلنس مزید بڑھانے کی ہدایت
وزیراعلی مریم نواز شریف کی ڈسٹرکٹ میں ڈرون سرویلنس کی ہدایت، ہراسانی کے واقعات کی ڈرون سرویلنس کرنے کا حکم
لاہور18نومبر:……وزیراعلیٰ پنجاب مریم نواز شریف نے دورہ برازیل سے واپسی پر امن و امان کے لیے مزید ہائی الرٹ رہنے کا حکم دے دیا۔دہشت گرد، انتہا پسند اور نفرت کے نیٹ ورک پنجاب میں بے بس دکھائی دیئے۔پنجاب حکومت نے انتہا پسندوں اور دہشتگرد کے نیٹ ورک کے مالیاتی اور جنگی انفراسٹرکچر کواکھاڑ پھینکاہے۔ٹی ایل پی کے ٹھکانوں سے جدید ترین اسلحہ، ہزاروں گولیاں، بلٹ پروف جیکٹس اور جنگی ساز و سامان برآمدہوئے۔پنجاب حکومت نے احتجاج کے نام پر نفرت فتنہ پھیلانے والی فنڈنگ روک دی۔کالعدم انتہا پسند جماعت کے عہدے داروں کے 23 ارب 40 کروڑ کے اثاثے منجمد کردیئے۔92 بینک اکاؤنٹس اور جاز کیش سمیت تمام ڈیجیٹل اکاؤنٹس جام کردیئے ہیں۔کالعدم انتہا پسند جماعت کے 9 فنانسرز کیخلاف بھی مقدمات درج ہوگئے ہیں۔ وزیر اعلی مریم نواز شریف کی زیرِ صدارت امن و امان پر غیرمعمولی اجلاس منعقد ہوا۔اجلاس میں پنجاب حکومت کا باقی صوبوں میں بھی کالعدم انتہا پسند جماعت کے خلاف پنجاب جیسی یکساں کارروائی کیلئے وفاقی حکومت سے درخواست کرنے کا فیصلہ کیاگیا۔وزیراعلی مریم نواز شریف نے کومبنگ آپریشن مستقل جاری رکھنے کا حکم دیا۔سوشل میڈیا پر ملکی سلامتی کے خلاف مواد شئیر کرنے پر 31مقدمات درج کیے جاچکے ہیں۔بریفنگ میں بتایا گیاکہ پنجاب میں مساجد اور آئمہ کرام کے لیے 61 ہزار سے زائد فارم تقسیم کیے گئے-پنجاب میں 50 ہزار سے زائد آئمہ کرام نے خود اپنی رجسٹریشن کر کے امن اور قانون کے ساتھ اپنے تعلق کو مضبوط کیاہے۔پنجاب میں آئمہ کرام کی 82 فیصد رجسٹریشن مکمل ہوگئی ہیں،اس پر وزیر اعلیٰ مریم نواز شریف نے اطمینان کا اظہارکیاہے۔پنجاب میں امن کی مضبوطی کے لیے پانچ بڑے وفاق المدارس نے مساجد/ آئمہ کرام کی رجسٹریشن پر اتفاقِ رائے کیاہے۔وزیراعلی مریم نواز شریف نے آئمہ کرام کو پریشان نہ کرنے اور احترام کوملحوظ خاطر رکھنے کی ہدایت کی ہے۔وزیراعلیٰ مریم نوازشریف نے کہا کہ آئمہ کرام نماز پڑھاتے ہیں،نہیں چاہتے کہ وہ چندے کیلئے ہاتھ پھیلائیں۔ پنجاب کے کسی شہر میں وال چاکنگ برداشت نہیں کی جائے گی۔پنجاب حکومت نے تمام ڈپٹی کمشنرز کو صوبہ بھر میں وال چاکنگ پر مکمل پابندی کے مستقل نفاذ کے لئے موثر اقدامات جاری رکھنے کی ہدایت کی ہے۔پنجاب حکومت نے پنجاب کے عوام کی جانب سے انتہاپسندی اور فتنہ انگیزی کو یکسر مسترد کرنے پر اطمینان کا اظہار کیاہے۔اجلاس میں پنجاب میں اسلحہ کے حوالے سے ایس او پیز واضح کرنے کا اصولی فیصلہ کیاگیاہے۔وزیراعلی مریم نواز شریف نے اسلام آباد حملے کے پیش نظر سرویلنس مزید بڑھانے کی ہدایت کی ہے وزیراعلی مریم نواز شریف نے ڈسٹرکٹ میں ڈرون سرویلنس کی ہدایت کی ہے۔وزیراعلی مریم نواز شریف نے ہراسانی کے واقعات کی ڈرون سرویلنس کرنے کا حکم دیا ہے۔
٭٭٭٭
