لاہور (ٹی این ایس) سپریم کورٹ کے سابق سینئر ترین جج جسٹس سید منصور علی شاہ کے صاحبزادے کی دعوت ولیمہ کی تقریب میں سپریم کورٹ ، ہائیکورٹ کے موجودہ اور سابق ججز سمیت دیگر سیاسی و سماجی شخصیات نے شرکت کی ۔
لاہور کے فلیٹیز ہوٹل میں سپریم کورٹ کے سابق سینئر ترین جج سید منصور علی شاہ کے صاحبزادے ابراہیم شاہ کے دعوت ولیمہ کی تقریب منعقد ہوئی۔تقریب میں سپریم کورٹ کے جسٹس ملک شہزاد احمد خان، چیف جج گلگت بلتستان سردار شمیم ، لاہور ہائیکورٹ کے جسٹس صداقت علی خان ، جسٹس فیصل زمان خان ،جسٹس شاہد کریم ، جسٹس مرزا وقاص رف ، جسٹس ساجد محمود سیٹھی ، جسٹس جواد حسن ، جسٹس امجد رفیق ، جسٹس اسجد جاوید گھرال، اسلام آباد ہائیکورٹ کے جسٹس بابر ستار نے شرکت کی۔
سپریم کورٹ کے جسٹس ریٹائرڈ خلیل الرحمن رمدے ،سابق چیف جسٹس تصدق حسین جیلانی، سابق چیف جسٹس آصف سعید کھوسہ،سابق چیف جسٹس عمر عطا بندیال،جسٹس ریٹائرڈ منظور احمد ملک، سابق چیف جسٹس یاور علی ، جسٹس ریٹائرڈ اطہر من اللہ، لاہور ہائیکورٹ کے جسٹس ریٹائرڈ شمس محمود مرزا، جسٹس ریٹائرڈ شیخ نجم الحسن ،جسٹس شمس محمود مرزا ، سئنیر ایڈووکیٹ سید معظم علی شاہ بھی شادی کی تقریب میں موجود تھے۔شادی کی تقریب میں سابق صدر لاہور ہائیکورٹ ، ایڈووکیٹ ابوذر سلمان خان نیازی ، وفاقی وزیر خزانہ اورنگزیب، سینیٹر علی ظفر ، سلمان اکرم راجہ ، سئنیر ایڈووکیٹ عرفان قادر سمیت دیگر سیاسی و سماجی شخصیات کی بڑی تعداد موجود تھی اور نئے نویلے شادی شدہ جوڑے کے لیے نیک خواہشات کا اظہار کیا۔
