کل رات بارہ بجے انتخابی مہم بند کی جائے، اشتہارات بھی نشر نہیں ہونگے، الیکشن کمیشن کا نوٹفکیشن جاری، سیاسی جماعتوں اور امیدواروں کو  بھی مراسلے روانہ کر دئے گئے

اسلام آباد، جولائی  23 (ٹی این ایس):  الیکشن کمیشن نے سیاسی جماعتوں اور امیدواروں کو کل رات بارہ بجے انتخابی مہم بند کرنے کا نوٹیفیکیشن جاری کر دیا۔ الیکشن کمیشن نے اس حوالے سے تمام سیاسی جماعتوں اور امیدواروں کو مراسلہ جاری کر دیا ہے۔ سیاسی جماعتیں اور امیدوار 23 جولائی کی رات بارہ بجے کے بعد اپنی کارنر میٹنگز اور جلسے جلوس نہیں کر سکیں گے۔ سیاسی جماعتیں اور امیدوار کل رات کے بعد اشتہارات نشر نہیں کر سکیں گے۔ الیکشن کمیشن کا کہنا ہے کہ خلاف ورزی کرنے والے امیدواروں اور سیاسی جماعتوں کو سزائیں اور جرمانے کی سزا سنائی جائے گی۔