پشاور،اکتوبر 07(ٹی این ایس): گورنر خیبر پختونخوا اقبال ظفر جھگڑا نے کہا ہے کہ قبائلی علاقوں میں حالات پہلے سے زیادہ بہت بہتر ہو چکے ہے،فاٹا میں غیر فعال سکولوں کو جلد فعال کیا جائے گا،جبکہ دوبئی اور باقی گلف ممالک میں مزدوری کرنے والے فاٹا ٹیچرز کے خلاف سخت کاروائی کی جائے گی۔ایڈورڈ کالج پشاورمیں پروفیسر ضیا القمر مرحوم کو خراج عقیدت پیش کرنے کے لیے منعقد ہ تقریب سے خطاب کرتے ہوئے گورنر خیبر پختونخوا انجینئر اقبال ظفر جھگڑا کا کہنا تھا پروفیسر سید ضیا القمر مرحوم کی خدمات کو ہمیشہ یاد رکھا جائے گا،پروفیسر ضیا القمر نہ صرف ایک استاد تھے بلکہ ایک مخلص دوست بھی تھے، تقریب سے خطاب کے بعد میڈیا سے گفتگو کرتے ہوئے گورنر خیبر پختونخوا کا کہنا تھا قبائلی علاقوں میں حالات پہلے سے بہت بہتر ہو چکے ہے، قبائلی علاقوں میں تعلیمی ایمرجنسی نافذ کر دی ہے ،فاٹا یونیورسٹی کا سنگ بنیاد رکھا گیا ہے، فاٹا اصلاحات کے حوالے سے گورنر خیبر پختونخوا کا کہنا تھا کہ فاٹا اصلاحات ن لیگ کے ایجنڈے کا حصہ ہے،فاٹا اصلاحات میاں نواز شریف نے شروع کی تھی، سرتاج عزیز نے تمام ایجنسیوں کا دورہ کرکے رپورٹ جمع کرائی تھی ۔ بہت جلد فاٹا اصلاحات کا مسئلہ حل ہو جائے گا۔ گورنر کا کہنا تھا فاٹا میں غیر فعال سکولوں کو جلد فعال کیا جائے گا،جبکہ دوبئی اور باقی گلف ممالک میں مزدوری کرنے والے فاٹا ٹیچرز کے خلاف سخت کاروائی
کی جائے گی۔
