اسلام آباد اکتوبر 12(ٹی این ایس )کیپٹن صفدر نے نیب ریفرنسز کیخلاف اسلام آباد ہائی کورٹ سے رجوع کر تے ہوئے احتساب عدالت کو فرد جرم عائد کرنے سے روکنے کی استدعا کر دی ،سات روز سے پہلے فرد جرم عائد کرنا قانون کی خلاف ورزی ہے، احتساب عدالت کے حکم نامے کو معطل کیاجائے۔
جمعرات کو نیب ریفرنس کے معاملے پر کیپٹن صفدر نے اسلام آباد ہائی کورٹ سے رجوع کر لیا۔
درخواست میں استدعا کی گئی ہے کہ احتساب عدالت کو فرد جرم عائد کرنے سے روکا جائے۔ قانون کے مطابق فرد جرم عائد کرنے کیلئے 7 دن کا وقت دیا جاتا ہے۔ احتساب عدالت کے حکم نامے کو معطل کیا جائے۔ درخواست میں کہا گیا کہ 7 دن سے پہلے فرد جرم عائد کرنا قانون کی خلاف ورزی ہے۔ درخواست میں وفاق اور احتساب عدالت کے جج کو فریق بنایا جائے۔
