واشنگٹن اکتوبر 13 (ٹی این ایس ) وفاقی وزیر داخلہ نے اسلام آباد احتساب عدالت میں بدنظمی کے واقعہ کی مذمت کرتے ہوئے ٹونس لیکر سیکرٹری داخلہ سے رپورٹ طلب کرلی ہے۔ جاری بیان کے مطابق وفاقی وزیر داخلہ احسن اقبال نے اسلام آباد کی احتساب عدالت میں بدنظمی کے واقعہ کی شدید مذمت کی ہے، انہوں نے کہا کہ عدالت کے احترام پر کسی قسم کا سمجھوتہ نہیں کیا جا سکتا ، انہوں نے کہا کہ ہنگامہ آرائی اور قانون ہاتھ میں لینے والے وکلاء قانون کے محافظ نہیں ہو سکتے ، انہوں نے کہاکہ عدالت میں محدود گنجائش کے پیش نظر پاس جاری کئے جاتے ہیں۔ انہوں نے کہا کہ عدالت کا تحفظ ہر قیمت پر یقینی بنایاجائیگا ۔ واقعہ کا نوٹس لیتے ہوئے وزیر داخلہ نے سیکرٹری داخلہ سے رپورٹ طلب کرلی ہے۔
