راولپنڈی نومبر 27(ٹی این ایس):عوامی مسلم لیگ کے سربراہ شیخ رشید کاکہنا تھا کہ حکومت نے مذہبی جماعتوں کے مطالبات کے حوالے سے ہٹ دھرمی کا مظاہرہ کیا،حکومت نے 100پیاز اور جوتے کھائے تب جا کر مانی ۔تفصیلات کے مطابق عوامی مسلم لیگ کے سربراہ شیخ رشید احمد مذہبی جماعتوں اور حکومت کے مابین طے پا جانے والے معاہدے پر تبصرہ کر رہے تھے ۔شیخ رشید کا کہنا تھا کہ حکومت نے مذہبی جماعتوں کے مطالبات کے حوالے سے ہٹ دھرمی کا مظاہرہ کیا،حکومت 100پیاز اور جوتے کھائے تب جا کر مانی۔
اس کھیل کے سب سے گندے کھلاڑی رانا ثناء اللہ تھے جبکہ پاک فوج نے تمام معاملات خوش اسلوبی سے طے کئیے۔شیخ رشید کا کہنا تھا کہ راہ ظفر الحق کی رپورٹ میں جن ذمہ داروں کی نشاندہی کی گئی ہے انکو سزا ملنی چاہیے ،انکا مزید کہنا تھا کہ مجھے یقین ہے کہ رپورٹ میں زاہد حامد کے ساتھ ساتھ انوشہ رحمان کا بھی ذکر ہو گا ۔
