ڈنمارک جنوری 5(ٹی این ایس): امیر جماعت اسلامی پاکستان سینٹر سراج الحق نے کہا کہ مسلہ کشمیر پاکستان کے لیے زندگی اور موت کا مسلہ ہے پوری پاکستانی قوم کشمیریوں کی پشت پر کھڑی ہے 5 فروری کا دن مقبوضہ کشمیر کے مظلوم اور محکوم عوام کے لیے وقف ہے پاکستان مسلہ کشمیر کا پُر امن حل چاہتا ہے جماعت اسلامی پاکستان اندرون ملک اور عالمی سطح پر دنیا کی توجہ مبذول کرا رہی ہے کہ کشمیریوں کے ساتھ اقوام عالم نے جو وعدے کیے انہیں پورا کیا جائے میں جہاں جارہا ہوں کشمیر پر توجہ دلائی جا رہی ہے سفارتی محاذ پر تحریک کشمیر یورپ اپنا کردار ادا کر رہی ہے بھارت کے مظالم اور کشمیریوں کے حق خودارادیت کو عالمی سطح پر جس طرح اجاگر کیا جارہا ہے ان کوششوں کو جارہی رکھنا چاہئے۔
ان خیالات کا اظہار انہوں نے اپنے دورہ ڈنمارک کے دوران ان کے ساتھ ملاقات کرنے والے تحریک کشمیر یورپ ڈنمارک کے رہنمائوں کے ایک اجلاس سے خطاب کرتے ہوئے کیا، اجلاس میںیورپین مسلم کونسل کے صدر میاں عبدالحق، تحریک کشمیر ڈنمارک کے سرپرست میاں منیر حسین، تحریک کشمیر یورپ کے جنرل سکریٹری انصر منظور حسین وسیم ڈار اور دیگر رہنما بھی موجود تھے۔
سراج الحق نے کہا کہ بھارت کی ہٹ دھرمی کے نتیجے میں مسلہ کشمیر ستر سال سے التوا میں پڑا ہے خطے میں حالات اور پاکستان کے ساتھ تعلاقات کی کشیدگی کا ذمدار بھارت ہے کشمیر عوام مسلہ کشمیر کا پُرامن اور مستقل حل چاہئتے ہیں انہوں نے قربانیوں کی ایک داستانیں رقم کی ہیں برہان وانی کی شہدات کے بعد جو حالات پیدا ہوئے تھے پاکستان نے کا کوئی فائدہ نہیں آٹھایا کشمیر کے شہیدا کو پاکستانی پرچم میں سپرد خاک کیا جاتا اور ہر گھر میں پرچم لہرا جاتا ہے پاکستان کوکشمیر پالیسی پر نظر ثانی کرنا ہوگی اور کشمیری عوام کی توقعات پر پورا اترنا ہوگا۔
تحریک کشمیر ڈنمارک کے رہنمائوں نے کہا ہے جماعت اسلامی پاکستان کی تحریک آزادی کے بڑی نمایا ںخدمات ہیں انہوں یورپ کے علاوہ ڈنمارک میں تحریک آزادی کشمیر کے حوالے سے امیر جماعت اسلامی کو گذشتہ سال ڈینش پارلیمنٹ میں ہونے والی کشمیر پر پہلی کانفرس اور دیگر سرگرمیوں سے آگا کیا اور آئیندہ ماہ 5 فروری کو یوم یکجہتی کشمیر کے موقع پر ہونے والے پروگرام اور آئیندہ کی منصوبہ بندی پر رہنمائی حاصل کی۔ اس موقعہ پر تحریک آزادی کشمیر کے لیے سراج الحق کی خدمات پر انہیں تحریک کشمیر ڈنمارک کی جانب سے شیلڈ بھی پیش کی گی۔
