لندن ،جنوری18(ٹی این ایس):ورچوئل کرنسی بٹ کوائن کی قیمت 10 ہزار ڈالر سے نیچے آگئی ہے۔ تفصیلات کے مطابق دنیا کی سب سے مشہور ورچوئل کرنسی بٹ کوائن کئی ہفتے تک دنیا بھر میں تہلکہ مچانے کے بعد شدید نقصان سو دوچار ہوگئی ہے۔ بٹ کوائن کی قدر میں مسلسل کمی کا سلسلہ جاری ہے۔ بدھ کے روز بٹ کوائن کی قیمت میں مزید کمی دیکھنے میں آئی۔ بٹ کوائن کی قیمت 10 ہزار ڈالر سے نیچے آگئی ہے۔
جبکہ بٹ کوائن کی قیمت میں مزید کمی کا امکان ظاہر کیا جا رہا ہے۔ واضح رہے کہ کچھ ہفتے قبل تک بٹ کوائن کی قیمت 20 ہزار ڈالرز کی حد تجاوز کر گئی تھی۔ بٹ کوائن کی قیمت میں کمی کے باعث سرمایہ کاروں کے اربوں روپے ڈوب چکے ہیں۔ جبکہ اس تمام صورتحال میں بٹ کوائن میں سرمایہ کاری کرنے والوں نے مزید نقصان سے بچنے کیلئے اپنی سرمایہ کاری نکالنا شروع کر دی ہے۔
