اسلام آباد ،جنوری 20(ٹی این ایس):پنجاب اسمبلی میں اپوزیشن لیڈر میاں محمود الرشید نے پنجاب حکومت کی کارکردگی رپورٹ جاری کردی،رپورٹ میں کہا گیا ہے کہ آشیانہ ہاؤسنگ اسکیم، میٹرو بس سروس اور سستی روٹی سمیت ہر منصوبہ ناکام اورخزانے پر بوچھ ثابت ہوا۔ اپوزیشن لیڈرپنجاب اسمبلی نے صوبائی حکومت کی کارکردگی رپورٹ میں کہاہےکہ قوم کے اربوں روپے تندوروں ،میٹرو اوراورنج لائن ٹرین کی پٹری میں جھونک دیئے گئے۔
سستی روٹی مافیا70ارب سے زائدرقم ہڑپ کرگیا، جبکہ ناکام لیپ ٹاپ اسکیم میں 7 کروڑ کی کرپشن ہوئی۔ رپورٹ میں مزید کہا گیا ہے کہ 1771طلبہ دو، 2 لیپ ٹاپ لے اُڑے، 2081طلبہ کے شناختی کارڈ جعلی نکلے،1181کا ریکارڈ ہی نہیں ہیں۔ راولپنڈی اور لاہورمیٹرو میں سالانہ خسارہ5ارب سے زائد ہےنندی پورپاور پلانٹ کی لاگت23ارب تھی جو مکمل ہونے تک120ارب سے زائد ہوگئی، جبکہ اس پلانٹ کی کارکردگی صفر ہے۔
