لا ہور،جنوری 24 (ٹی این ایس):لاہور پولیس نے محکمانہ امتحان لِسٹ A کا شیڈول جاری کردیا۔ایس پی ہیڈ کوارٹرز عاطف نذیر نے کہا ہے کہ پولیس اہلکار 27 جنوری تک درخواستیں جمع جبکہ 28 جنوری کو تحریری اور 29 جنوری کو انٹرویو میں حصہ لے سکیں گے۔محکمانہ امتحان لِسٹ A کے بارے سی سی پی او لاہورکیپٹن (ر) محمد امین وینس نے ایڈیشنل آئی جی سپیشل برانچ ، سی ٹی ڈی، انویسٹی گیشن، ٹریفک ، ہائی وے پٹرولنگ، کمانڈنٹ فاروق آباد، سہالہ کالج، سی ٹی او اورراولپنڈی ، ملتان، سرگودھا اور فاروق آباد کے پرنسپل حضرات کو مراسلہ جاری کر دیاہے۔ پولیس اہلکاروں کا تحریری محکمانہ امتحان پولیس لائنز قلعہ گجر سنگھ میں منعقد ہوگا۔3 سالہ تجربہ اور ریکروٹ ٹریننگ کورس میں کامیاب ہونے والے پولیس اہلکار محکمانہ امتحان لِسٹ A میں حصہ لے سکیں گے۔ امتحان میں بیٹھنے کی زیادہ سے زیادہ عمر 37 سال مقرر کی گئی ہے۔گذشتہ ایک سال کے دوران سنگین محکمانہ سزا کے حامل امیدواران امتحان میں حصہ لینے کے اہل نہ ہوں گے۔ ہر امیدوار تحریری امتحان میں بیٹھنے کیلئے اپنا شناختی کارڈ ہمراہ لانے کا پابند ہوگا۔
