لاہور ،جنوری 30(ٹی این ایس): پنجاب یونیورسٹی نے عائشہ جلیل دختر محمد جلیل کوسوشیالوجی کے مضمون میں ان کے’’سرکاری بیرونی کلینک برائے ذیابیطس کے عمل اور صلاحیت کے ساتھ مریضوں کا اطمینان‘‘کے موضوع پر،نقی حسین ولد سید ظہور احمد کوانوائرنمنٹل سائنسز کے مضمون میں ان کے’’کیڈمیم کے مضر اثرات سے بچاؤ کیلئے مختلف پودوں کے جواہر کا استعمال ‘‘کے موضوع پر،محمد امین ولد محمد بخش کوایگریکلچرل سائنسز کے مضمون میں ان کے’’جامن اور سفیدہ کے پھپھوندی کش قدرتی اجزاء سے چنے کے جھلساؤکی بیماری کا تدارک‘‘کے موضوع پراورغلام حسین ولد نور محمدکوکیمسٹری کے مضمون میں ان کے’’پائیرازول سے ماخوذ نئے مرکبات ۔ ڈائیز کی تیاری اور استعمال ‘‘کے موضوع پر، پی ایچ ڈی مقالہ جات کی تکمیل کے بعد پی ایچ ڈی کی ڈگریاں جاری کر دی ہیں۔
