سیالکوٹ /ماسکو ،فروری 04(ٹی این ایس):روس میں رواں سال ہونے والے فٹبال ورلڈ کپ میں پاکستان کے شہر سیالکوٹ میں تیار کی جانے والی فٹبال استعمال کی جائیں گی۔ ورلڈ کپ فٹبال رواں سال روس میں کھیلا جائے گا۔پاکستان میں روس کے سفیر ایلکسے ڈو ڈوو نے اس بات کی تصدیق کردی جبکہ 1990 سے 2010 تک ہونے والے تمام ورلڈ کپ میں پاکستانی فٹبال ہی استعمال کی گئیں۔برازیل میں ہونے والے 2014 کے میگا ایونٹ میں پاکستان کے علاوہ بھارتی فٹبال بھی استعمال کی گئیں تھیں۔سیالکوٹ میں بننے والی فٹبال کمپنی کے چیئر مین خواجہ مسعود نے بتایا کہ میگا ایونٹ کیلئے پاکستانی فٹبال کے استعمال نہ صرف ملک کیلئے باعث فخر ہے بلکہ اس سے میگا ایونٹ میں کھیلنے والے 32 ممالک کے ساتھ پاکستان کا نام بھی شامل ہو جائیگا۔
