نارووال فروری18 (ٹی این ایس) وفاقی وزیر داخلہ احسن اقبال نے کہا ہے کہ حکومت عوام کو جدید طبی سہولتوں کی فراہمی کے لئے کروڑوں روپے خر چ کر رہی ہے اور مختلف شہروں میں کینسر کے علاج کی سہولت کے لئے فنڈز فراہم کر دیئے گئے ہیں۔ان خیالات کا اظہار انہوں نے ڈسٹرکٹ ہیڈ کوارٹرہسپتال میں زیر تعمیر کینسرسنٹر کے دورہ کے موقع پر کیا۔ انہوں نے کہا کہ کینسرسینٹر کی تعمیر سے یہاں پر تشخیص اور ابتدائی علاج ومعالجہ ہو گا اور یہ ایک سال میں مکمل ہو گا اس کینسر سنٹر پر ستر کروڑ روپے سے زائد کی لاگت آئے گی۔وزیر داخلہ احسن اقبال نے سنٹر کے مختلف حصوں کا دورہ کیا اوروہاں ہونیوالیتعمیراتی کاموں کامعائنہ کیا۔واضح رہے کہ اس کینسر سنٹر کے قیام سے نارووال اور دیگر اضلاع کے عوام استفادہ حاصل کر سکیں گے۔
