اسلام آباد ،فروری 19(ٹی این ایس): سینیٹ الیکشن میں حصہ لینے والے امیدواروں کیلئے کاغذات نامزدگی واپس لینے کا آج آخری دن ہے۔سندھ میں سینیٹ کی 12نشستوں پر 42امیدواروں کے 43کاغذات نامزدگی منظور کئے گئے ہیں۔ترجمان الیکشن کمیشن کے مطابق، 2روز میں کسی امیدوار نے کاغذات نامزدگی سے دستبرداری کیلئے رابطہ نہیں کیا۔الیکشن کمیشن کے مطابق، کاغذات نامزدگی واپس لینے کا آج آخری دن ہے ،امیدوار شام 4بجے تک انتخابات سے دستبرداری کیلئے کاغذات نامزدگی واپس لے سکتے ہیں۔
