اسلام آباد ،08اپریل(ٹی این ایس): پاکستان ٹیبل ٹینس فیڈریشن نے پہلی پاکستان ٹیبل ٹینس سپر لیگ کے لئے آرگنائزنگ کمیٹی کا اعلان کردیا ہے۔ پاکستان ٹیبل ٹینس فیڈریشن کے صدر خواجہ حسن ودؤد کمیٹی کے چیئرمین جبکہ شاہد بلوچ آرگنائزنگ سیکرٹری ہوں گے دیگر ممبران میں چیئرمین کے ایچ مارکیٹنگ، وسیم شہزاد، پاکستان ٹیبل ٹینس فیڈریشن کے سیکرٹری جنرل کفایت اللہ خان، چیئرمین سلیکشن کمیٹی ندیم منصور، کرنل (ر) عزیز گیلانی اور مس نادیہ شاہ شامل ہیں، پہلی پاکستان ٹیبل ٹینس سپر لیگ 12 اپریل سے پاکستان سپورٹس کمپلیکس اسلام آباد کے لیاقت جمنازیم میں شروع ہوگی، جس میں ملک بھر سے سو سے زائد پروفیشنل کھلاڑیوں نے ٹورنامنٹ میں شرکت کے لئے انٹری کروا رکھی ہے، انہوں نے کہا کہ ٹورنامنٹ کے کے ڈراز کا اعلان 11 اپریل کو کیا جائیگا اور لیگ کے فائنل مقابلے 15 اپریل کو کھیلے جائیں گے اور فائنل کے اختتام پر کامیابی حاصل کرنے والے کھلاڑیوں میں انعامات تقسیم کئے جائیں گے۔
