سنگا پور،مئی 1(ٹی این ایس):سنگاپورایئرلائن کے سی ای او گوچون فونگ کا کہنا ہے کہ طویل ترین فلائٹ کے لئے ایئربس درست انتخاب ہوگا اس لیے کمپنی نے 67 ایئربس اے 350 کا آرڈر دے دیا ہے جب کہ بیڑے میں مزید جدید ترین طیارے بھی شامل کیے جائیں گےاورنیویارک سے سنگاپور تک 19 گھنٹے طویل دنیا کی طویل ترین پرواز چلانے کی تیاری شروع کردی۔برطانوی میڈیا کی رپورٹ کے مطابق سنگاپور ایئرلائن کا کہنا ہے کہ مسافروں کے مطالبے پر سنگارپور سے نیویارک تک نان اسٹاپ پرواز چلانے پر کام شروع کردیا گیا ہے جس کے لئے “الٹرا لونگ رینج” طیارے بیڑے میں شامل کیے جائیں گے۔ایئرلائن کے سی ای او کے مطابق کہا کہ مستقبل قریب میں انہی طیاروں کے ذریعے نیویارک سے سنگار پور تک 19 گھنٹے کی نان اسپاٹ پرواز چلائی جائے گی۔یاد رہے کہ گزشتہ ماہ قنطاس ایئرلائن نے 17 گھنٹے کی نان اسپاٹ پرواز کا ریکارڈ توڑا تھا، جس نے لندن کے ہیتھرو ایئرپورٹ سے آسٹریلیا کے شہر پرتھ تک بغیر کہیں رُکے 9 ہزار 9 میل کا سفر طے کیا تھا۔طویل ترین پرواز کے لیے طیاروں میں ایندھن کی گنجائش ایک لاکھ 41 ہزار سے بڑھا کر ایک لاکھ 65 ہزار لیٹر کی جائے گی۔
