کراچی ،مئی06(ٹی این ایس):احتساب عدالت کے روبرو محکمہ اطلاعات سندھ میں 5 ارب 76 کروڑ روپے کی کرپشن ریفرنس کی سماعت ہوئی، سابق سیکرٹری انفارمیشن ذوالفقار شلوانی، ملزم انعام اکبر سمیت دیگر ملزمان کو پیش کیا گیا، سابق صوبائی وزیر شرجیل میمن کو علالت کے باعث پیش نہیں کیا گیا، کیس کی اہم گواہ زینت جہاں کا بیان قلمبند کیا گیا جس میں انہوں کہا کہ ملزمان کے خلاف کرپشن کے ثبوت نیب کو فراہم کردیے ہیں، ملزمان نے دبائومیں لانے کی کوشش کی، مجھے دھمکیاں دی جارہی ہیں، سیکورٹی دی جائے میری جان کو خطرہ ہے، عدالت نے ریمارکس دیئے آپ سیکورٹی کے حوالے سے درخواست جمع کرائیں، آئندہ سماعت پر ملزمان کے وکلا زینت جہاں کے بیان پر جرح کرینگے، ملزم انعام اکبر کے وکیل اظہر فاروق نے قابل ضمانت وارنٹ جاری کرنے کے خلاف دلائل میں کہا کہ احتساب عدالت کو قابل ضمانت وارنٹ جاری کرنے کا اختیار نہیں، عدالت نے سماعت 19 مئی تک ملتوی کردی۔
