5سے 10ہزار لوگ نکلے تو یہ نواز شریف کے سیاسی تابوت میں آخری کیل ہوگا ‘سربراہ عوامی مسلم لیگ
لاہورجولائی 11(ٹی این ایس)عوامی مسلم لیگ کے سربراہ شیخ رشید احمد نے کہا ہے کہ اگر جمعہ کے روز 10 سے 20 لاکھ لوگ نکل آئے تو (ن) لیگ کی سیاست چمک جائے گی لیکن اگر 5سے 10ہزار لوگ نکلے تو یہ نواز شریف کے سیاسی تابوت میں آخری کیل ہوگا ۔
نجی ٹی وی سے گفتگو کرتے ہوئے شیخ رشید نے کہا کہ پہلی مرتبہ شیخ برادری میرا ساتھ دے رہی ہے جبکہ قومی اسمبلی میں ختم نبوت کے معاملے پر میرے کردار کے باعث مذہبی قوتیں بھی میر ے ساتھ ہیں۔ انشا اللہ میں دونوں حلقوں سے ایک لاکھ سے زائد وووٹ حاصل کروں گا او ربڑے مارجن سے کامیابی حاصل کروں گا ۔
انہوں نے ایک سوال کے جواب میں کہا کہ اگر جمعہ کے روز 10سے 20لاکھ لوگ نکل آئے تو (ن) لیگ کی سیاست چمک جائے گی اور یہ نہیں نکلیں گے ،22کروڑ کے ملک میں اگر 5سے 10ہزار لوگ نکلتے ہیں تو یہ نواز شریف کی سیاست کا خاتمہ ہے اور ان کے سیاسی تابوت میں آخری کیل ثابت ہوگا ۔
