اسلام آباد، جولائی 17 (ٹی این ایس): تحریک انصاف کے راہنماءزلفی بخاری نے کہا ہے کہ ہمارا مقابلہ ایل این جی چور سے ہے، شاہد خاقان عباسی ڈور ٹو ڈور اس لیے جارہے ہیں کہ وہ اپنی کرپشن کی معافی مانگ سکیں۔پیر کو عمران خان کے حلقہ این اے53کے علاقے گوکینہ میں جلسے سے خطاب میں زلفی بخاری نے کہا کہ مارگلہ کے خوبصورت پہاڑوں کو سیاحت کے لیے کھولیں گے،اسلام آباد کو دنیا کا خوبصورت ترین دارلخلافہ بنائیں گے،سیاحت سے علاقے میں خوشحالی آئے گی اور نوجوانوں کو روزگار ملے گا،اسلام آباد میں خیبر پختونخواہ کی طرز پر درخت لگائیں گے،پاکستان کے عوام اپنے ضمیر پر ووٹ دیں گے،ہمارا مقابلہ ایل این جی چور سے ہے۔ ہمارے حکمران پیسے بنانے کے لیے اقتدار میں آتے رہے،اللہ کے فضل سے شاہد خاقان کو انتی لیڈ سے شکست دیں گے کہ اس کی دوربارہ ادھر آنے کی جرت نہیں ہو گی،تحریک انصاف کے کارکن عمران خان کا پیغام گھر گھر پہنچائئں،ہمارا ایم این اے آئندہ کا وزیر اعظم ہو گا،نوجوانو کے لیے کھیلوں کے میدان بنائیںگے قبل ازیں تحریک انصاف اسلام آباد خواتین کے مرکزی دفتر کا افتتاح کے موقع پر زلفی بخاری نے کہا کہ تحریک انصاف کی سب سے بڑی طاقت نوجوان اور خواتین ہیں۔اس انتخابی مہم میں ورکرز بڑی تعداد میں نکل رہے ہیں۔ان کا یہ بھی کہنا تھا کہ عمران خان قومی لیڈر ہیں اور پانچ جگہوں سے لڑ رہے ہیں۔انہوں نے مزید کہا کہ شاہد خاقان عباسی ڈور ٹو ڈور اس لیے جارہے ہیں کہ وہ اپنی کرپشن کی معافی مانگ سکیں۔عمران خان نے کوئی کرپشن نہیں کی کہ ان کو اسلام آباد ڈور ٹو ڈور جانا پڑے۔انہوں نے میڈیا سے بات کرتے ہوئے کہا کہ انتخابات سے قبل عمران خان اسلام آباد میں دو سے تین مقامات پر مخاطب ہوں گے۔جتنا بڑا ٹرن آو ¿ٹ ہوا عمران خان کی جیت میں اتنی برتری ہوگی،گوکینہ میں جلسہ عام سے خطاب میں علی اعوان نے کہاکہ اسلام آباد میں پانی کے مسائل بہت سنگین ہیں،حکومت میں آکر سیاحت کو فروغ دیں گے،نواز شریف کے بعد اب ا ±س کے دربایوں کی جیل جانے کی باری ہے،نئے پاکستان کرپشن فری ہوگا۔ ہر بچے کو سکول بھجیں گے اور صحت کی سہولیات دیں گے،آج اسلام آباد میں ہمارے مخالفین کو دفاتر کھولنے کے لیے لوگ نہیں مل رہے،یوسی چئیرمین راجہ شیراز کیانی نے اپنی یونین کونسل کے لوگوں کا شکریہ ادا کیا،خواجہ مارکیٹ میں بھی جلسہ سے خطاب کیا گیا ۔
