مانک پیاں مہاجرکیمپ بی2 میں کلوٹ بند ہونے سے 50 سے زائد گھروں میں پانی داخل،روڈ پر ملبے کے ڈھیر لگ گئے
مظفرآباد27جولائی(ٹی این ایس)مون سون کی طوفانی بارشوں نے تباہی مچادی،مانک پیاں مہاجرکیمپ بی2 میں کلوٹ بند ہونے کی وجہ سے 50 سے زائد گھروں میں پانی داخل،روڈ پر ملبے کے ڈھیر لگ گئے،محکمہ شاہرات کودوہفتے قبل کلوٹ بند ہونے کا بتایا گیا مگر کلوٹ نہ کھلنے کی وجہ سے پانی کے تیز بہاؤ اور ملبے نے بڑی تباہی مچاد دی۔عوام علاقہ سراپا احتجاج،چیف سیکرٹری آزادکشمیر سے فی الفور ملبہ اٹھوانے اورکلوٹ کھلوانے کا مطالبہ کر دیا۔
تفصیلات کے مطابق آزادکشمیر بھر میں جہاں مون سون کی تیز بارشوں کی وجہ سے راستے بند اور جگہ جگہ لینڈسلائیڈنگ نے تباہی مچاہی وہی دارالحکومت مظفرآباد کے قریب علاقہ مانک پیاں بی 2میں کلوٹ بند ہونے کی وجہ سے 50سے زائد گھروں میں گندہ پانی اور ریت بجری نے تباہی مچادی۔محکمہ شاہرات،بلدیہ،ایم ڈی اے کی غفلت اور لاپرواہی سے دو ہفتوں کے بعد بھی کلوٹ نہ کھلوجاسکا،اس موقع پر عوام علاقہ راجہ گل زین،مشرف خان،قاری جلال دین،لال دین درانی،بشیر درانی ودیگر نے کہا کہ دو ہفتے سے محکمہ شاہرات،ایم ڈی اے اور دیگر محکموں کواگاہ کرتے آرہے ہیں کہ روڈ کا کلوٹ بند ہے اور پانی کلوٹ میں جانے کے بجائے روڈ پر آرہا ہے تیز بارش کی وجہ سے ملبے اور پانی ہمارے گھروں میں داخل ہونے سے تباہی مچادی ہے چیف سیکرٹری آزادکشمیر محکموں کی نااہلی کا نوٹس لیں اور جلد کلوٹ کھلوایا جائے بصورت دیگر سخت احتجاج پر مجبور ہونگے۔
