کراچی اگست 17(ٹی این ایس): شہرقائد کے مختلف علاقوں میں پولیس نے کارروائیوں کے دوران 5 ملزمان کو گرفتار کرکے اسلحہ برآمد کرلیا۔تفصیلات کے مطابق کراچی کے مختلف علاقوں میں پولیس نے کارروائیاں کرتے ہوئے 5 ملزمان کو گرفتار کرلیا۔ایس ایس پی ایسٹ کا کہنا ہے کہ ملزمان دہشت گردی، گھروں میں ڈکیتیوں میں ملوث ہیں اور ان کے قبضے سے 7 پستول، ایک نائن ایم ایم اور دیگر اسلحہ برآمد ہوا ہے۔ایس ایس پی کے مطابق ملزمان سے چھینے گئے متعدد موبائل فونز اور دو موٹرسائیکل بھی برآمد ہوئے ہیں۔پولیس حکام کا کہناہے کہ ملزمان نے فیروزآباد، بہادر آباد،لائنز ایریا، جمشید کوارٹرمیں واردوتوں کا اعتراف کیا ہے، ملزمان سے مزید تفتیش جاری ہے۔
خیال رہے کہ دو روز قبل کراچی کے علاقے ناظم آباد میں واقع انڈر بائی پاس کے قریب نامعلوم افراد کی فائرنگ سے دوا ساز کمپنی کا مینیجراصغر جاں بحق ہوگیا تھا۔
واضح رہے کہ گزشتہ روز کراچی کے علاقے بہادرآباد میں واقع شہید ملت روڈ پر پولیس کی وردی میں ملبوس ڈاکو منی چینجر کی گاڑی سے 60 لاکھ روپے لوٹ کر فرار ہوگئے تھے۔
