پشاور اگست 17(ٹی این ایس) پشاور کے نواحی علاقہ باڑا گیٹ میں نامعلوم افرادنے تشدد کر کے ایک خواجہ سرا کو قتل کردیا۔پولیس حکام کے مطابق گزشتہ روز خواجہ سرا ساجد عرف نازو کو اس کی رہائش گاہ پر قتل کیا گیاجبکہ خواجہ سراکی بوری بند لاش پولیس نے اپنے قبضے میں لےکر پوسٹ مارٹم کے لئے ہسپتال منتقل کر دی ہے ۔
پولیس کا مزید کہنا تھا کہ لاش پرتشدد کے نشانات بھی پائے گئے جس سے واضح ہوتا ہے خواجہ سرا کو تشدد کے بعد قتل کیا گیا ہے ۔قتل کے شعبہ میں پولیس نے میں 2 افراد کو گرفتار کرکے مقدمہ درج کرلیا اورگرفتار افراد میں مقتول خواجہ سرا کا مالک مکان بھی شامل ہے۔واضح رہے کہ رواں ماہ کے آغاز میں بھی پشاور کے نواحی علاقے سربند میں نامعلوم افراد نے 3 خواجہ سراوں کو خنجر کے وار سے زخمی کر دیا تھاجبکہ 2015 کے بعد سے خیبر پختونخوا میں یہ خواجہ سراوں کے قتل کا 62واں واقعہ ہے۔
