بھارتی ظلم اور بربریت کی سخت الفاظ میں مذمت کرتا ہوں،بھارت کشمیر کو ترنوالہ نہ سمجھے، پرویز مشرف

اسلام آباد فروری 05 (ٹی این ایس): آل پاکستان مسلم لیگ کے سرپرست اعلیٰ سابق صدر جنرل ریٹائرڈ پرویز مشرف نے کہا ہے کہ مقبوضہ کشمیر میں بھارتی ظلم اور بربریت کی سخت الفاظ میں مذمت کرتا ہوں،بھارت کشمیر کو تر نوالہ نہ سمجھے۔ منگل کو یوم یکجہتی کشمیرکے موقع پر آل پاکستان مسلم لیگ کے سرپرست اعلی پرویز مشرف نے کشمیری عوام کے نام اپنے پیغام میں کہاکہ مقبوضہ کشمیر میں آزادی کی جدوجہد ضائع نہیں ہو گی، وہ دن دور نہیں جب شہیدوں کا لہو رنگ لائے گا۔ظلم کو فنا ہے۔ پرویز مشرف نے کہا کہ مقبوضہ کشمیر میں بھارتی ظلم اور بربریت کی سخت الفاظ میں مذمت کرتا ہوں۔ بھارت کشمیر کو تر نوالہ نہ سمجھے۔ سید پرویز مشرف نے کہاکہ کشمیریوں کے خون کی ارزانی پر اقوام عالم اور اقوام متحدہ کی مجرمانہ خاموشی کی جتنی مذمت کی جائے کم ہے۔ پرویز مشرف نے کہاکہ بھارت کشمیر پر زیادہ عرصہ تک غاصبانہ قبضہ جاری نہیں رکھ سکتا، کشمیری قوم اپنے خون سے آزادی کی تاریخ رقم کررہی ہے۔پرویز مشرف نے کہ کہ اپنے کشمیری بہن بھائیوں کے جذبہ اور ہمت کو خراج تحسین پیش کرتا ہوں۔ پرویز مشرف نے کہا کہ ہم دل و جان سے کشمیری بہن بھائیوں کے ساتھ ہیں، خون کے آخری قطرے تک ان کے ساتھ ہیں۔ پرویز مشرف نے کہاکہ اپنے دور حکومت میں ہم مسئلہ کشمیر کے حل کے قریب پہنچ چکے تھے، بدقسمتی سے حالات نے ساتھ نہیں دیا۔ پرویز مشرف نے کہا کہ وہ دن دور نہیں جب بھارت کشمیریوں کے جذبے اور قربانی کے آگے گھٹنے ٹیک دے گا۔