کوالالمپور مارچ 13 (ٹی این ایس): ملائیشیا کے ایک دریا میں زہریلا کیمیائی کوڑا پھینکے جانے کے بعد تین سو کے قریب افراد بیمار ہو گئے، جن میں اکثریت اسکولوں کے بچوں کی ہے۔ ملکی وزیر تعلیم نے بدھ کے روز بتایا کہ اس وجہ سے جنوبی ریاست جوہر میں چونتیس اسکول بند کر دیے گئے ہیں۔ بیمار پڑ جانے والے طلبہ کی اکثریت انہی اسکولوں میں زیر تعلیم ہے۔ سینکڑوں متاثرین میں ان کے جسموں میں نظام تنفس کے ذریعے داخل ہونے والے زہر کے آثار کی تشخیص ہو گئی ہے۔ حکام کو شبہ ہے کہ گزشتہ ہفتے ایک لاری پر لدے ہوئے بہت سے انتہائی زہریلے کیمیائی فاضل مادے دریا میں پھینک دیے گئے تھے۔
