لاہور مئی 24 (ٹی این ایس): وزیراعلیٰ نے شہداء کے لواحقین کو 10،10 لاکھ روپے مالی امداد کے چیک دیئے۔ وزیراعلیٰ نے شہید رفاقت علی کی بیوہ نازیہ بی بی، شہید محمد نواز کی بیوہ ثریا بیگم اور شہید طاہر اسلم کے والد محمد اسلم کو مالی امداد کے چیک دیئے۔ وزیراعلیٰ کا دھماکے میں شہید افراد کے لواحقین سے دلی ہمدردی اور اظہار تعزیت۔ وزیراعلیٰ نے شہداء کے درجا ت کی بلندی کیلئے دعا بھی کی۔
مجھے آپ کے پیاروں کے بچھڑنے کا بے حد افسوس ہے۔ ہم آپ کے غم میں برابر کے شریک ہیں۔ ہماری ہمدردیاں آپ کے ساتھ ہیں۔ حکومت آپ کے ساتھ کھڑی ہے۔ آپ تنہا نہیں،قوم آپ کے ساتھ ہے۔ مالی امداد کسی کی جان کا مداوا نہیں۔ ہم شہداء کے خاندانوں کو سلام پیش کرتے ہیں۔ شہداء کی قربانیاں رائیگاں نہیں جائیں گی۔ اس موقع پر تحریک انصاف کے رہنما علی اصغر منڈا، گل آغا،جمشید اقبال چیمہ ۔ غلام محی الدین دیوان اور زمان نصیب بھی موجود تھے۔
