لاہور مئی 26 (ٹی این ایس): وزیراعظم کی ہدایت پر پنجاب کی جیلوں سے جرمانوں کی عدم ادائیگی کی وجہ سے بند قیدیوں کی رہائی شروع کردی گئی ہے۔ پنجاب کی جیلوں میں 657قیدی جرمانہ، دیت وغیرہ ادا نہ کرنے کی وجہ سے جیل کاٹنے پر مجبور تھے۔ مخیر حضرات کی طرف سے3 کروڑ 82 لاکھ روپے جرمانہ اداکرنے پر 514 قیدیو ں کورہا کردیاگیا۔ 143 قیدیوں کو عیدسے قبل 22 کروڑ 30 لاکھ روپے جرمانہ ادا کرکے رہا کردیاجائے گا۔ نادار او رمفلس قیدیوں کی طرف سے 22 کروڑ 30 لاکھ روپے جرمانہ کی رقم حکومت ادا کرے گی۔ عید سے قبل پنجاب کی جیلوں سے جرمانہ ادا کرنے کی مالی استطاعت نہ رکھنے والے تمام قیدی رہا کردیئے جائیں گے۔ نادار قیدی رہا ہوکر اپنے پیاروں کے ساتھ عید کی خوشیاں منا سکیں گے۔ پاکستان تحریک انصاف کی حکومت دیگر طبقات کیساتھ ساتھ قیدیو ں کی فلاح و بہبود کے ایجنڈ ے پربھی عمل پیرا ہے۔
