لاہور نومبر 30 (ٹی این ایس): لاہو ر ہائیکورٹ نے نجی تعلیمی اداروں کی جانب سے اضافی فیسوں کی وصولی کیخلاف درخواست پر عبوری فیصلہ جاری کرتے ہوئے نجی سکولوں کو فیس کے معاملے پر بچوں کو تعلیمی اداروں سے نکالنے سے روکدیا ۔ لاہو ر ہائیکورٹ کے جسٹس ساجد محمود سیٹھی نے اپنے فیصلے میں کہا کہ اضافی فیس کی عدم ادائیگی پر بچوں کی عزت نفس مجروح نہ کیا جائے ۔سپریم کورٹ کے احکامات کی روشنی میں ڈسٹرکٹ ایجوکیشن اتھارٹی کے مطابق فیسیں وصول کی جائیں گی۔ ڈسٹرکٹ ایجوکیشن اتھارٹی نجی تعلیمی اداروںکی فیسوں کے معاملے پر جامع رپورٹ پیش کرے گی۔ اضافی فیسوں کیخلاف درخواستوں پر آئندہ سماعت 11 دسمبر کو ہوگی ۔ عدالت نے وصول کی جانے والی اضافی فیس سات دنوں میں واپس کرنے کا بھی حکم دیا ہے ۔
