اعتماد کی تحریک میں کوئی بھی ووٹ غلط ثابت ہوا توعہدہ چھوڑدوں گا, اسد قیصر

 
0
202

اسلام آباد 09 مارچ 2021 (ٹی این ایس): اسپیکر قومی اسمبلی اسد قیصر نے کہا ہے کہ وزیراعظم عمران خان پر اعتماد کی تحریک میں کوئی بھی ووٹ غلط ثابت ہوا توعہدہ چھوڑدوں گا۔

میڈیا سے گفتگو کے دوران ان کا کہنا تھا کہ الزام لگانے والے بتائیں کہ کون سا رکن اسمبلی وزیر اعظم کے اعتماد کا ووٹ لینے کے وقت موجود نہیں تھا؟

اسد قیصر نے کہا کہ پارلیمنٹ کے باہر جو بھی واقعہ ہوا اس کی تحقیقات کرائیں گے۔

اس موقع پر چیئرمین سینیٹ صادق سنجرانی کا کہنا تھا کہ میں چیئرمین سینیٹ کا امیدوار ہوں، ووٹ مانگنے سب کے پاس جاؤں گا۔

صادق سنجرانی نے کہا کہ سب کو ساتھ لے کر چلنا ہی جمہوریت کا حسن ہے،ہمارا مقصد پارلیمنٹ کو مضبوط اور بالادست بنانا ہے۔

خیال رہے کہ چیئرمین سینیٹ صادق سنجرانی نے تمام ارکان سینیٹ کو آج عشائیہ پر مدعو کر لیا ہے، اپوزیشن عشائیہ کے بائیکاٹ پر غور کر رہی ہے۔