اسلام آباد 19 مئی 2021 (ٹی این ایس): قومی احتساب بیورو کے چئیرمین جناب جسٹس جاوید اقبال نیب کے ایگزیکٹوبورڈ کے اجلا س کی صدارت کر رہے ہیں۔
اجلاس میں ڈپٹی چئیرمین نیب، پراسیکیوٹر جنرل اکاوٹیبلٹینیب، ڈی جی آپریشنز نیب ا ورنیب کے دیگر سینئر افسران شریک ہیں۔ اجلاس میں بدعنوانی کی مختلف انکوائریز، انوسٹی گیشنز اور ریفرنسز کی منظوری دئیے جانے کا امکان۔ ملک سے بدعنوانی کا خاتمہ اور بدعنوان عناصر سے قانون کے مطابق لوٹی گئی رقوم کی واپسی نیب کی اولین ترجیح ہے۔ نیب نے بڑی مچھلیوں کے خلاف اربوں روپے کی مالیت کے 1269 ریفرنسزمعزز احتساب عدالتوں میں دائر کئے ہیں۔ نیب اور کرپشن ساتھ ساتھ نہیں چل سکتے۔ کرپشن کا خاتمہ نیب کی اولین ترجیح ہے۔ نیب کا تعلق کسی سیاسی جماعت، گروہ یا فرد سے نہیں بلکہ صرف اور صرف ریاست پاکستان سے ہے۔ نیب پربلا جواز تنقید کرنے والوں کو نیب کا مشورہ ہے کہ وہ اپنا وقت اپنے خلاف معزز احتساب عدالتوں میں ٹھوس شواہد کی بنیاد پر دائر ریفرنسز کے دفاع میں خرچ کریں۔ جہا ں قانون اپنا راستہ خود بنائے گا۔ نیب کی کارکردگی کو معتبر قومی اور بین الا قوامی اداروں نے سراہا خصوصاَ َ ٹرانسپرنسی انٹر نیشنل پاکستان، پلڈاٹ اور مثال پاکستان نے نیب کی کارکردگی کو سراہا ہے۔ جو نیب کیلئے اعزاز ہے۔ نیب شوگر، آٹااور رنگ روڈسیکنڈل، منی لانڈرنگ، جعلی اکاؤنٹس، اختیارات کا ناجائز استعمال، آمدن سے زائد اثاثے، غیر قانونی ہاؤسنگ سوسائٹیز اور مضاربہ سینکڈل کے ملزمان کو قانون کے مطابق منطقی انجام تک پہنچانے کے لئے کو شاں ہے۔ نیب نے میڈیا سے کہا ہے کہ نیب کے بارے میں کسی بھی خبر کو نشر/شائع کرنے سے پہلے نیب کا قانون کے مطابق موقف لیا جائے۔
