اسلام آباد 11 دسبمر 2021 (ٹی این ایس): قومی اسمبلی میں قائد حزب اختلاف و صدر مسلم لیگ ن شہباز شریف نے کہا ہے کہ منی بجٹ قومی اسمبلی سے منظور ہونا قومی خودکشی ہو گی۔اپنے بیان میں انہوں نے کہا کہ منی بجٹ روکنے کے لیے مل کر مشترکہ حکمت عملی بنائیں گے، پاکستان کی معاشی خود مختاری خطرے میں ہے۔ منی بجٹ کے ملک اور قوم کے لیے تباہ کن اثرات ہوں گے۔
شہباز شریف نے کہا کہ حکومتی ارکان اور اتحادیوں کے احساس کو جگانے کی کوشش کریں گے،حکومت قومی سلامتی کے لیے خطرہ بن گئی ہے۔
یہ حکومت رہی تو سرکاری ملازمین کی تنخواہوں کے لیےبھی پیسے نہیں ہوں گے،شہباز شریف
انہوں نے کہا کہ ایک اور منی بجٹ کینسر کا علاج اسپرین سے کرنے کے مترادف ہے، حکومت آئی ایم ایف کا تیارکردہ منی بجٹ نہ دے، استعفیٰ دے۔
