اسلام آباد 13 دسمبر 2021 (ٹی این ایس): جرمنی میں مہنگائی کی شرح 29 سالہ تاریخ کی بلند ترین سطح پر پہنچ گئی ہے۔ سرکاری حکام نے تصدیق کی کہ ایندھن اور ہیٹنگ کی بلند قیمتوں کی وجہ سے تین دہائیوں کے دوران پہلی بار نومبر میں افراطِ زر کی شرح پانچ فیصد سے اوپر چلی گئی ہے۔
ادارۂ شماریات کے مطابق گزشتہ ایک سال کے دوران مہنگائی کی شرح میں 5.2 فیصد اضافہ ہوا ہے، اشیائے خوردو نوش سمیت دیگر تمام چیزوں کی قیمتوں میں اضافہ ہوا۔
معاشی ماہرین کا ماننا ہے کہ افراط زر کی شرح کچھ مہینوں بعد نیچے آنا شروع ہوجائے گی کیونکہ تیل کی قیمتوں میں بتدریج کمی ہورہی ہے، جو اس بات کا اشارہ ہے۔
