سعودی عرب 18 جنوری 2022 (ٹی این ایس): کورونا وائرس کے اومی کرون قسم کی بڑھتی ہوئی وبا کے باعث سعودی عرب نے مملکت میں آنے والے غیرملکی شہریوں کیلئے مزید سخت اقدامات کردیئے ہیں۔
نوٹیفکیشن کے مطابق پاکستان سمیت غیر ممالک سے سعودی عرب آنے والوں کیلئے قرنطینہ لازم قرار دیا گیا ہے جبکہ سعودی عرب آمد سے قبل قرنطینہ میں مسافر کی بکنگ لازمی ہوگی۔
نوٹیفکیشن کے مطابق سعودی جنرل اتھارٹی آف سول ایوی ایشن نے ہدایت نامہ جاری کردیا ہے۔ قرنطینہ بکنگ کے بغیر مسافر سعودی عرب لانے پر ایئرلائن کو جرمانہ ادا کرنا ہوگا۔
نوٹیفکیشن میں مزید کہا گیا ہے کہ مسافروں پر سعودی حکومت سے منظور شدہ لیبارٹریز سے کورونا ٹیسٹ کرانا بھی لازم ہے۔
