امریکا 18 جنوری 2022 (ٹی این ایس): بین الاقوامی تنظیم جینوسائیڈ واچ کے صدر ڈاکٹر گریگورے سٹانٹن نے عالمی برادری پر زور دیا ہے کہ وہ قوم پرست ہندوئوں کے نفرت آمیز اور انتہا پسند نظریے ہندوتوا کی روک تھام میں اپنا کردار ادا کرے جس سے بھارت میں مسلمانوں کی نسل کشی کا خطرہ ہے۔
انہوں نے ان خیالات کا اظہار امریکی کانگریس کو دی جانے والی ایک بریفنگ کے دوران کیا جس کا اہتمام انڈین امریکن مسلم کونسل نے کیا تھا۔ڈاکٹرسٹانٹننے اس خدشے کا اظہار نسل کشی کے دس مراحل کی سائنسی طرز پر کی گئی تحقیق کی بنیاد پر کیا جس کے مطابق بھارت ان تمام دس مراحل سے آگے بڑھ چکا ہے جو ملک میں بیس کروڑ سے زائد مسلمانوں کے لئے سنگین خطرہ ہے۔
ڈاکٹر گریگورےسٹانٹن کے مطابق بھارت میں مسلمانوں کی نسل کشی کے عمل میں بھارتی وزیر اعظم نریندر مودی کے مسلم مخالف بیانات و تقاریر، بھارت کے غیر قانونی زیر قبضہ جموں کشمیر میں پانچ اگست کا غیر قانونی اقدام اور متنازعہ شہریتی ترمیمی قانون جیسے واقعات سے مزید شدت آئی ہے۔
