ماسکو 01 مارچ 2022 (ٹی این ایس): یوکرائن پرحملے کے بعد روس میں جنگ کے مخالف مظاہرین کی گرفتاریاں جاری ہیں ،اب تک تقریباً2ہزار مظاہرین کوگرفتار کیا جاچکا ہے ۔غیر ملکی خبررساں ادارے کے مطابق روس کے درجنوں شہروں میں جنگ کی مخالفت کرنے والے کارکنوں نے یوکربن پر ملکی حملے کے خلاف ریلیاں نکالی ہیں۔
ہزاروں افراد نے ملک کے سخت احتجاجی قوانین کی خلاف ورزی کرتے ہوئے ان مظاہروں میں حصہ لیا۔بہت سے مظاہرین نے ایسے پلے کارڈز اٹھا رکھے تھے، جن پر جنگ بند کرو اور یوکربن کے لیے امن جیسے نعرے درج تھے۔آزاد مبصرین کے مطابق اس دوران 2 ہزار سے زائد مظاہرین کو گرفتار بھی کیا گیا ہے۔گزشتہ چار روز میں روس میں تقریبا 5 ہزار ایسے مظاہرین کی گرفتاریاں عمل میں آچکی ہیں۔
