ملک کے سب سے بڑے صوبے پنجاب کے وزیرِ اعلیٰ چوہدری پرویز الہٰی سے کینیڈین نژاد پاکستانی شخصیت عامر خان کی قیادت میں اوورسیز پاکستانیوں کے وفد نے ملاقات کر کے سیلاب زدگان کے لیے امدادی رقم کا چیک دیا ہے۔
ملاقات کے دوران عامر خان نے چوہدری پرویز الہٰی کو وزیرِ اعلیٰ فلڈ ریلیف فنڈ میں ڈیڑھ کروڑ روپے کا چیک پیش کیا۔
کینیڈین اوورسیز پاکستانیوں نے فلڈ ریلیف کے لیے وزیرِ اعلیٰ پرویز الہٰی کے اقدامات کو سراہا۔
اس موقع پر وفد سے گفتگو کرتے ہوئے وزیرِ اعلیٰ پنجاب چوہدری پرویز الہٰی نے کہا کہ متاثرینِ سیلاب کی بحالی اور ریلیف ہماری اوّلین ترجیحات میں شامل ہے۔
ان کا کہنا ہے کہ متاثرینِ سیلاب کو بروقت ریسکیو کیا اور ریلیف کا کام تیزی سے جاری ہے۔
وزیرِ اعلیٰ پنجاب نے مزید کہا کہ عمران خان کی کال پر اوورسیز پاکستانیوں نے متاثرینِ سیلاب کے لیے دل کھول کر عطیات دیے ہیں۔
چوہدری پرویز الہٰی کا یہ بھی کہنا ہے کہ عمران خان اوورسیز پاکستانیوں کے حقوق کی توانا آواز ہیں۔
