لاہور اگست 06(ٹی این ایس )قومی احتساب بیورو نے گزشتہ تین سال کے دوران 50ارب روپے وصول کرکے قومی خزانے میں جمع کرائے ۔ نیب ترجمان کے مطابق اس عرصے کے دوران گزشتہ برسوں کے مقابلے میں شکایات، انکوائریوں اور تحقیقات کی شرح تقریباً دوگنا رہی۔ انہوں نے کہا کہ نیب معاشرے سے بد عنوانی کے مکمل خاتمے کے لئے آگاہی ،روک تھام اور عملدرآمد سے متعلق بدعنوانی کے خاتمے کی جامع حکمت عملی پر عمل پیرا ہے اوراس کے لئے تمام سرکاری اورنجی اداروں کو قوم کی خدمت کا پابند بنایا گیا ہے۔
