اسلام آباد:شاہ اللہ دتہ میں وفاقی ترقیاتی ادارے کا ایک ایکڑ سے زائد کا رقبہ غیر قانونی طورپر نجی ہائوسنگ سوسائٹی کی طرف سے فروخت کیے جانے کا انکشاف ہوا ہے ۔ممبر سی ڈی اے کی مخدوم ہائوسنگ سوسائٹی کے خلاف کارروائی کی ہدایت،زمین خریدنے والے فریق کو درخواست دینے کی ہدایت کردی ۔تفصیلات کے مطابق اسلام آباد کے نواحی علاقے شاہ اللہ دتے میں سی ڈی اے کی سرکاری ایک ایکڑ سے زائد اراضی نجی ہائوسنگ سوسائٹی نے جعلی سازی کے ذریعے سابق سفارت کار علی شیر کو فروخت کیا ۔گزشتہ روز چیئرمین سی ڈی اے کی ہدایت پر ممبر افنان عالم ،ڈی جی لینڈ عمر رندھاوا، مرزا سعید اختر تحصیل دار ،محمدشفیق گردوار ، محمد آصف گرداور ، راشد پٹواری اور ریاض شاہ نے نشاندہی کی جس پر رقبہ سی ڈی اے کا نکل آیا ۔اس موقع پر ڈی جی لینڈ عمر رندھاوا نے تحصیلدار کو فوری طورپر مخدوم سوسائٹی کے خلاف سی ڈی اے لینڈ جعلی سازی کے ذریعے بیچنے پر فوری کارروائی کی ہدایت کی ۔سی ڈی اے حکام نے سابق سفارت کار علی شیر کو مخدوم سوسائٹی کیخلاف کارروائی کے لئے تھانے میں درخواست دینے کی ہدایت کی
